بسم الله الرحمن الرحيم
قصيدة بـ عنوان " نديم الجرح "
يانديم الجرح واللي وصتك بأرقامها
عارف إنك ما تعرف إلا شذى يشمومها
لاتعلّمني عن آخر ما حصل في أيامها
من رسالتها عرفت اليوم كل علومها
أدري إن الوقت شمر عن يديه وضامها
وأدري إن الحظ الأقشر صار مثل هدومها
وأدري إن الهم وقّف في طريق أحلامها
لين صار الحزن أثرها و الشقى مقسومها
بس تستاهل هي الي طاوعت من لامها
وباعت اللي كل ذنبه ما دخل في سومها
خلّها تدفع ثمن غلطاتها مادامها
همّلت قلبي وراحت وأسرفت في حومها
ويبتعد مع كل خطوه صوت وقع أقدامها
وتقرب الضيقه وتصحى دمعتي من نومها
لين غابت عن عيوني وإنجلى هندامها
ليلة تغفى على صدر الظلام نجومها
كنت أحس بشئ والله ماتشيله عظامها
لو تحس بشئ منه يمر وسط حلومها
كنت أحس إن الضلوع العوج مثل أيتامها
وأشعر إن القلب نبضه منتهي من يومها
والحياة اللي تدور شهورها وأعوامها
وقفت واليوم دور رماحها وسهومها
يا كثر ماأغرقت نفسي في بحور أوهامها
ويا كثر ما ضعت بين أوهامها وهمومها
ما جداي إلا أحلى منالي واقفٍ قدامها
وأتخيلها تعاتبني وأروح ألومها
يانديم الجرح خلك من علوم أيامها
ما بقى في القلب رغبه يلتفت لعلومها
والرساله ردها للي زمنها ضامها
وقلها كلمة وتفهمها حسب مفهومها
والله إن أقص كفي قبل أدق أرقامها
والله إن أشيل قلبي قبل أشيل همومها
قصيدة بـ عنوان " نديم الجرح "
يانديم الجرح واللي وصتك بأرقامها
عارف إنك ما تعرف إلا شذى يشمومها
لاتعلّمني عن آخر ما حصل في أيامها
من رسالتها عرفت اليوم كل علومها
أدري إن الوقت شمر عن يديه وضامها
وأدري إن الحظ الأقشر صار مثل هدومها
وأدري إن الهم وقّف في طريق أحلامها
لين صار الحزن أثرها و الشقى مقسومها
بس تستاهل هي الي طاوعت من لامها
وباعت اللي كل ذنبه ما دخل في سومها
خلّها تدفع ثمن غلطاتها مادامها
همّلت قلبي وراحت وأسرفت في حومها
ويبتعد مع كل خطوه صوت وقع أقدامها
وتقرب الضيقه وتصحى دمعتي من نومها
لين غابت عن عيوني وإنجلى هندامها
ليلة تغفى على صدر الظلام نجومها
كنت أحس بشئ والله ماتشيله عظامها
لو تحس بشئ منه يمر وسط حلومها
كنت أحس إن الضلوع العوج مثل أيتامها
وأشعر إن القلب نبضه منتهي من يومها
والحياة اللي تدور شهورها وأعوامها
وقفت واليوم دور رماحها وسهومها
يا كثر ماأغرقت نفسي في بحور أوهامها
ويا كثر ما ضعت بين أوهامها وهمومها
ما جداي إلا أحلى منالي واقفٍ قدامها
وأتخيلها تعاتبني وأروح ألومها
يانديم الجرح خلك من علوم أيامها
ما بقى في القلب رغبه يلتفت لعلومها
والرساله ردها للي زمنها ضامها
وقلها كلمة وتفهمها حسب مفهومها
والله إن أقص كفي قبل أدق أرقامها
والله إن أشيل قلبي قبل أشيل همومها