انو ربي يسعدكن يا غاليين
حكينا بالحلقه الماضيه عن طبخه الارز والفروج واليوم حابب احكي عن السندويشات اللتي تباااااااااع في مدينه حمص وحصريا المنطقه الصناعيه ومن اغرب هالسندويشات والاكثر شعبيه
مقادير الوصفه
1- كماج خبز ( رغيف خبز ) كبير حجم عائلي والسبب لانو جماعه الصناعه ما بيكتفو بكماجه كبيره شهيه عاليه
2- اربع اقراص فلافل مقليين بزيت الله اعلم زيت شو واذا ما الله كذبني زيت 10 تبع السيارات
3-ملعقه حمص ناعم (مسبحه بالشامي) وبيكون الحمص معبأ بكيس نايلون ابيض ويتم ثقب طرف من الكيس مشان وضع الحمص يعني متل وقت بنصير نزين قالب الكاتو بالكريما
4- اربع خمس شرحات بندوره نوع عاشر يعني بالعاميه بنقول عنها (قطاعه سوق الهال ) والمقصود بتكون اما معفسه او مضروب طرفها
5- كم شرحه مخلل لفت لسا مش مستوي وطعمته جدا حامضه وانا من الناس اللي ما بطلب انه ينوضع بالسندويشه لانه بيروح طعمه الفلافل كلها بس هناك عالم بتحبه والمحبه من الله
6-شويه خس وطبعا الخس مغسول هات ايدك ولحقني وعلى قوله القصابين عنا شك وملح وطبعا الخس ما بيخلى من التوابع يعني شويه تراب والباقي انتو اتخيلوه
7-شويه طرطور ( وهوه عباره عن حمص ناعم مخلوط بماء وفي ناس بتضيف عليه الليمون)
8-ما فينا ننسى الملح والكمون والفليفله الحره
9- ورقه مربعه الشكل مشان نلف ونغلف فيها السندويشه
ملاحظه جدا هامه : السندويشه كتير شباعيه وسعرها التقديري بين ال10 وال 20 ليره سوري حسب طمع المطعمجي
الف صحه وعافيه على قلبكون واذا الله وداكون على المنطقه الصناعيه بحمص بنصحكون نصيحه ما تجربوها لانه هي السندويشه مخصصه لاهل الصناعه يعني (اهل الصناعه مافي داعي ياخدو لقاحات من اجلا لامراض الساريه والمعديه لانو الله وكيلكون الجرثومه المرضيه بتموت وقت بتفوت على الصناعه )
الى حلقه قادمه انشاء الله مع مطبخ ابو وسام للاكلات الشعبيه
الحلقه القادمه انشااااااء الله بنحكي عن السندويشات المشتركه مثل
بطاطا مع فلافل بيض ومرتديلا بطاطا ومرتديلا وسندويشه مميزه جدا بسعر ذهيد بس ب35 ليره وهيي عباره عن بطاطا مع فلافل مع مرتديلا مع بيض مسلوق مع كامل الخضار المؤلف من بندوره ومخلل لفت وخيار وخس ونعنع وشويه زيت بالاخر واذا بتحبو تضيفو للسندويشه جبنه بيضا مو مشكله على حسب الطلب
ومشكورين على حسن المتابعة
والسلام عليكم ورحمه الله تعالى
حكينا بالحلقه الماضيه عن طبخه الارز والفروج واليوم حابب احكي عن السندويشات اللتي تباااااااااع في مدينه حمص وحصريا المنطقه الصناعيه ومن اغرب هالسندويشات والاكثر شعبيه
مقادير الوصفه
1- كماج خبز ( رغيف خبز ) كبير حجم عائلي والسبب لانو جماعه الصناعه ما بيكتفو بكماجه كبيره شهيه عاليه
2- اربع اقراص فلافل مقليين بزيت الله اعلم زيت شو واذا ما الله كذبني زيت 10 تبع السيارات
3-ملعقه حمص ناعم (مسبحه بالشامي) وبيكون الحمص معبأ بكيس نايلون ابيض ويتم ثقب طرف من الكيس مشان وضع الحمص يعني متل وقت بنصير نزين قالب الكاتو بالكريما
4- اربع خمس شرحات بندوره نوع عاشر يعني بالعاميه بنقول عنها (قطاعه سوق الهال ) والمقصود بتكون اما معفسه او مضروب طرفها
5- كم شرحه مخلل لفت لسا مش مستوي وطعمته جدا حامضه وانا من الناس اللي ما بطلب انه ينوضع بالسندويشه لانه بيروح طعمه الفلافل كلها بس هناك عالم بتحبه والمحبه من الله
6-شويه خس وطبعا الخس مغسول هات ايدك ولحقني وعلى قوله القصابين عنا شك وملح وطبعا الخس ما بيخلى من التوابع يعني شويه تراب والباقي انتو اتخيلوه
7-شويه طرطور ( وهوه عباره عن حمص ناعم مخلوط بماء وفي ناس بتضيف عليه الليمون)
8-ما فينا ننسى الملح والكمون والفليفله الحره
9- ورقه مربعه الشكل مشان نلف ونغلف فيها السندويشه
ملاحظه جدا هامه : السندويشه كتير شباعيه وسعرها التقديري بين ال10 وال 20 ليره سوري حسب طمع المطعمجي
الف صحه وعافيه على قلبكون واذا الله وداكون على المنطقه الصناعيه بحمص بنصحكون نصيحه ما تجربوها لانه هي السندويشه مخصصه لاهل الصناعه يعني (اهل الصناعه مافي داعي ياخدو لقاحات من اجلا لامراض الساريه والمعديه لانو الله وكيلكون الجرثومه المرضيه بتموت وقت بتفوت على الصناعه )
الى حلقه قادمه انشاء الله مع مطبخ ابو وسام للاكلات الشعبيه
الحلقه القادمه انشااااااء الله بنحكي عن السندويشات المشتركه مثل
بطاطا مع فلافل بيض ومرتديلا بطاطا ومرتديلا وسندويشه مميزه جدا بسعر ذهيد بس ب35 ليره وهيي عباره عن بطاطا مع فلافل مع مرتديلا مع بيض مسلوق مع كامل الخضار المؤلف من بندوره ومخلل لفت وخيار وخس ونعنع وشويه زيت بالاخر واذا بتحبو تضيفو للسندويشه جبنه بيضا مو مشكله على حسب الطلب
ومشكورين على حسن المتابعة
والسلام عليكم ورحمه الله تعالى